Achtung Volkszählung! Attenzione al censimento!

50 Sciche n vëija, ne tën l cuntrat de Paris nia cont dla mendranza ladina. L ie mé scrit che duta la rejons y la stieres publiches toca da unì spartides su danter la doi majera grupes etniches. Chëla ladina ne vën nianca numineda. Fajon n saut tl tëmp per ruvé al Statut Nuef de Autonomia unì n droa cun l decret nr. 670 dl 31 de agost dl 1972. Cialon cie che l Statut de Autonomia dij di ladins. L art. 2 dij n generel, che tla Region tochel da dé la medema rejons a duta la persones che sta te chësta Region, zënza tenì cont de cie rujeneda che les ie. L toca da unì stravardà la carateristiches etniches y cultureles de uni grupa, tudëscia, taliana o ladina che la sibe. Aldò de chësc articul tuchëssen da dì, che uni persona, taliana, tudëscia o ladina che la sibe, ebe la medema rejons de fé, de giaté y de deventé velch. Chësc desmostra che l Statut Nuef ie per i ladins scialdi miëur dl prim. L art. 8 dij che la provinzies, de Bulsan y Trënt po’ dé ora leges, danter l auter sun l’ usanzes dl luech, istituzions cultureles provinzie- les (biblioteches, museum, istituc culturei y nsci via) manifestazions artistiches y cultureles dl luech, ënghe tres radio y televijion (tla pro- vinzia de Bulsan). L art. 19 dij: «La rujeneda ladina ie adurveda tla scolines y vën nsenieda tla scoles elementeres dla valedes ladines. L ladin ie da adurvé per judé do te duta l’autra scoles de chësta valedes. Tla scoles mesanes y autes tochel da unì nsenià tl medemo numer de ëures y cun l medemo resultat, sibe per talian che per tudësch». Sciche n vëija, ne n’ie i ladins nia ala pèr cun la doi autra gru- pes. Chësc uel dì, che i ladins mpera per fertuna sciche toca talian y tudësch, ma no si rujeneda dl'oma. Nteressant iel ënghe per nëus ladins liejer coche à da unì metù adum l cunsëi provinziel, la jonta provinziela y si presidënt. L art. 49 dl Statut scrij dant, che ntan i prim 30 mënsc de lëur dl cunsëi provinziel de Bulsan, toca da unì metù su n presidënt cris ora danter i cunselieres dla grupa etnica tudëscia, y 1 vizepresidënt danter i uemes dla grupa etnica taliana. Ntan i ultimi 30 mënsc, à n cunselier talian da vester presidënt. L art. 50 dij danter l auter, che tla provinzia de Bulsan toca la jonta provinziela da vester metuda adum da n presidënt, da 2 vizepresidënc y dai assessëures cric