Achtung Volkszählung! Attenzione al censimento!

52 art. 107, che à metù n droa la cumiscion di 12 y di 6, po’ udons che degun po’ fé pea, ajache i uemes ie spartii su danter talians y tudësc. L medemo suzederà cun l cunsëi de aministrazion y cun la cumiscion de «crianza» dla listes dla stieres provinzieles dl stat. Di 4 reprejentanc metui su tres na vela, muessa 2 vester talians y 2 tudësc y la cumiscion per la vela muessa vester mesa taliana y mesa tudëscia. Nchinamei i uemes che cumpëida adum la ujes muessa vester 2 talians y doi tudësc. É scrit adum n valgun articuli dl Statut per desmustré y fé pensé do cie cunseguënzes che 1 Statut à sun nosta mendranza ladina, che ne n’ie nia mé mendranza naziunela, sciche chëla tudëscia ma ënghe mo provinziela. Uni un vëija ite, che 1 Statut garantësc gran rejons ala grupa tudëscia y scialdi de mancul a chëla ladina, che ie la mëndra. La rejon de pudëi tenì su la usanzes y de slargë y miuré la cultura ladina, vën śareda ite te na maniera ncherscëula da na scola che ne tën nia cont dla rujeneda dl'oma sciche fej l’autra doi grupes. Cun chësc ne mieni nia, che l dëssa unì nsenià mancul tudësch o talian, ma de dé plu pëis al ladin ënghe tla scoles mesanes y plu autes. Cialon coche la sta n cont dl pruporz per la stieres publiches. Sciche dit, tocheles da ruvé tla mans de tudësc, talians y ladins aldò dl numer dla persones che ie de una dla trëi grupes etniches. Tenian cont che i tudësc ie ntëur l 63% i talians l 33% y i ladins l 4%, vëija duc ite tan puecia stieres che vën garantides ai ladins. No mé chël, ma dal mumënt che duta la stieres vën spartides su per listes (ruoli per talian) y per carieres (4 n generel) y dal mumënt che plu auta che ie la cariera y mancul stieres che 1 ie de garat, po’ ntënden riesc che degun ladin daussa curì stieres de mpurtanza. L muessa vester almancul 25 stieres da garat, acioche n tome una tla mans di ladins. Dal mumënt che 1 pruporz ne n’ie nia dlonch medemo (pra la provinzia vëniel tëut su aldò dl pruporz etnich che ie tl cunsëi provinziel, te chemun aldò dl pruporz che ie ti cunsëies de chemun, ti spediei aldò dl pruporz tl cunsëi de aministrazion) suzedel, che a n ladin ne ti vëniel nia cunze- dù de unì tëut su te n chemun o de nsenië ora dla valedes ladines, de lauré per ejëmpl tl spedel de Bulsan o te truepa autra stieres publiches.